Back

ⓘ तणाशी. डहाणू बस स्थानकापासून डहाणू-चिंचणी सागरी महामार्गाने गेल्यावर पुढे मासळी बाजार गेल्यानंतर जिल्हा परिषदेच्या तणाशी शाळेनंतर हे गाव लागते. डहाणू बस स्थानका ..




                                     

ⓘ तणाशी

डहाणू बस स्थानकापासून डहाणू-चिंचणी सागरी महामार्गाने गेल्यावर पुढे मासळी बाजार गेल्यानंतर जिल्हा परिषदेच्या तणाशी शाळेनंतर हे गाव लागते. डहाणू बस स्थानकापासून हे गाव १७ किमी अंतरावर आहे.

                                     

1. हवामान

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व सकाळी धुके पडते.उन्हाळ्यात हवामान उष्ण असते.पावसाळ्यात येथे भातशेती,नागलीशेती केली जाते.

                                     

2. लोकजीवन

हे मध्यम आकाराचे गाव आहे.२०११ च्या भारतीय जनगणनेनुसार गावात २५५ कुटुंबे राहतात. एकूण १०५३ लोकसंख्येपैकी ५२२ पुरुष तर ५३१ महिला आहेत. गावाची साक्षरता ८४.८१ टक्के आहे.पुरुष साक्षरता ९०.३२ आहे तर स्त्री साक्षरता ७९.५० आहे. गावातील वय वर्ष शून्य ते सहा वर्षे लहान मुलांची संख्या १०५ आहे.ती एकूण लोकसंख्येच्या ९.९७ टक्के आहे. वाडवळ, भंडारी, आगरी, आणि आदिवासी समाजातील लोक येथे राहतात. येथे शेती हा व्यवसाय असून काही लोक शेतमजूर, वीटभट्टीमजूर, खाजगी, सरकारी नोकर, कामगार म्हणूनही काम करतात. दुग्धव्यवसाय, बकरीपालन, कुक्कुटपालन सुद्धा केले जाते.ज्वेलरी डायमेकींग हा शतकापेक्षा जुना असलेला गृहउद्योग इथे पिढ्यानपिढ्या चालू आहे.हा भारत देशाबरोबरच दुबई, नेपाळ, बांगलादेश, श्रीलंका, दक्षिण आफ्रिका अशा अनेक देशातील सोने व्यापाऱ्यांचे मुख्य आकर्षण आहे. सोन्याच्या दागिन्यांवर आकर्षक आणि नाजूक नक्षीकाम करण्याचे कसब लाभलेले असे शेकडो डायमेकर्स आजुबाजूच्या परिसरात आहेत.

                                     

3. नागरी सुविधा

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत.महाराष्ट्र राज्य परिवहन महामंडळाच्या बसेस डहाणू बस स्थानकावरून येथे येण्यासाठी ठराविक वेळी उपलब्ध असतात. रिक्षासुद्धा डहाणूवरुन उपलब्ध असतात.

                                     

4. जवळपासची गावे

साखरे, वरोर, वासगाव, मोठगाव, वादाडे, ओसाडवाडी, देदाळे, बावडे, आसनगाव बुद्रुक,आसनगाव, कापशी ही जवळपासची गावे आहेत.तणाशी ग्रामपंचायतीमध्ये ओसाडवाडी आणि तणाशी ही गावे येतात.